Ymchwil Gweithredu dan Arweiniad y Gymuned

Y Tîm: Jessie Buchanan, Amy Nicholass, Abby Poulson.

Nod ein Hymchwil Gweithredu dan Arweiniad y Gymuned yw rhoi’r adnoddau i gymunedau gwledig i gasglu a dadansoddi tystiolaeth i fynd i’r afael â heriau ac anghenion polisi a nodwyd yn lleol. Gan weithio gyda mentor academaidd penodedig, mae cyfranogwyr cymunedol yn dylunio ac yn cynnal prosiect ymchwil ar fater o’u dewis, yn casglu ac yn dadansoddi data ac yn cytuno ar gamau dilynol. Rydym yn rhagweld y gellid defnyddio canlyniadau’r ymchwil i ddod o hyd i atebion y gellir eu cyflwyno o fewn y gymuned, i gefnogi ceisiadau am gyllid allanol, neu i gyflwyno achos dros fuddsoddi neu newidiadau polisi i lywodraeth leol neu genedlaethol neu i asiantaethau cyhoeddus.

Mae cam cyntaf yr ymchwil wedi cynnwys gweithio mewn pump cymuned beilot yng Nghorwen (mewn partneriaeth â Phartneriaeth Gymunedol De Sir Ddinbych), ardal Biosffer Dyfi (mewn partneriaeth Biosffer Dyfi), y Drenewydd, penrhyn Tyddewi, a Thrawsfynydd.

Yn yr ail gam, bydd Cymru Wledig LPIP Rural Wales yn ariannu ac yn cefnogi ymchwil gweithredu dan arweiniad y gymuned mewn chwe phrosiect pellach, a ddewisir trwy gystadleuaeth sy’n agored i unrhyw gymuned yng Nghefn Gwlad Cymru.